Прашањето за македонскиот јазик во документите на Европската Унија повторно стана интересно со Предлог-преговарачката рамка, што ја усвои Европската комисија.
Според информациите објавени на порталот „360 степени“, во Предлог-преговарачката рамка стои дека Северна Македонија ќе мора да го преведе заедничкото европско право на македонски (Macedonian) јазик, пред официјалното зачленување во ЕУ. Ова едноставно наведување на јазикот во суштина е чин на признавање и прв чекор кон промоција на македонскиот во иден официјален јазик на Унијата.
Терминот „македонски јазик“ исчезна од употреба во официјалните документи на Унијата околу 2006 година, а придавката „македонски“ околу 2012 година.
Враќањето на терминот „македонски јазик“ е директна последица на Договорот од Преспа со кој беше затворено ова прашање, оценуваат од „360 степени“.
